اسلام آباد۔29اگست (اے پی پی) وفاقی وزیر تجارت جام کمال خان اعلان کیتے جو حکومت آوݨ آلے پنج سال کیتے ہک جامع ٹیکسٹائل و ملبوسات پالیسی اتے قومی صنعتی پالیسی کوں حتمی شکل ݙیندی پئی اے جیں دا مقصد پاکستان دی صنعت کوں علاقائی طور تے مقابلے دے قابل بݨاوݨا، ??جارتی رکاوٹاں کوں مکاوݨا اتے برآمدات اچ پائیدار ودھارا یقینی بݨاوݨا اے۔ اے ڳالھ انہاں وزارت تجارت اچ منعقدہ اجلاس دی اڳواݨی کریندیں آکھی ۔ اجلاس اچ چیئرمین پاکستان ٹیکسٹائل کونسل عامر فیاض شیخ، چیئرمین آل پاکستان ٹیکسٹائل ملز ایسوسی ایشن (اپٹما) کامران ارشد، فضل کلاتھ دے سی ای او رحما?? نسیم اتے اپٹما دے ایگزیکٹو ڈائریکٹر شاہد ستار ??رک?? کیتی، جݙاں جو وزیراعظم دے معاون خصوصی صنعت و پیداوار ہارون اختر خان وی اجلاس اچ شریک ہن۔ وزیر تجارت آکھیے جو ٹیکسٹائل و ملبوسات پالیسی ??یں انداز اچ تشکیل ݙتی ویندی پئی اے جو پیداواری لاڳت گھٹ ہووے، وسائل دے بہتر استعمال اتے عمل کوں نویں بنیاداں تے استوار کیتا ونڄے، تحقیق و ترقی کوں ودھایا ونڄے، مصنوعات و منڈیاں اچ تنوع گھن آیا ونڄے اتے پاکستان دا عالمی منڈی اچ حصہ ودھایا ونڄے۔انہاں آکھیا جو پاکستان کوں پائیدار ترقی کیتے برآمدات تے انحصار کرݨا ہوسی اتے حکومت ??یں ڳالھ کوں یقینی بݨیندی پئی اے جو سارے فیصلے اسٹیک ہولڈرز نال مشورے دے نال کیتے ونڄن۔ انہاں آکھیا جو پہلی واری حکومت اتے صنعت برآمدات اچ ودھارے دے عزم تے ہک صفحے تے ہن۔ انہاں علاقائی حریف ملکاں دیاں پالیسیاں دا تجزیہ کرݨ دی صنعت دی تجویز دا خیر مقدم کیتا اتے ڈھاکہ دے آپݨے اڄوکے دورے دے مشاہدات وی ݙسائے جتھاں انہاں بنگلہ دیش دی صنعتی ترقی اتے ریڈی میڈ گارمنٹس دیاں برآمدات اچ شاندار کامیابیاں کوں نیڑے توں ݙٹھا۔ وزیراعظم دے معاون خصوصی ہارون اختر خان آکھیا جو نویں صنعتی پالیسی کجھ مخصوص شعبیں تئیں محدود نہ ہوسی بلکہ اے وسیع صنعتی منظرنامے کوں ݙکھیسی۔ انہاں وضاحت کیتی جو پالیسی اچ توانائی، ٹیرف و ٹیکسیشن، مالی مدد، اکنامک زونز سودھے ݙوجھے شعبیں کوں شامل کیتا ڳئے۔ انہاں مزید آکھیا جو گرین فیلڈ منصوبیں دی سہولت، پبلک پرائیویٹ پارٹنرشپ دے تحت زمین لیز ماڈل اتے سرمایہ کاراں کیتے ون ونڈو سہولت وی ??یں پالیسی دا حصہ ہوسن۔ انہاں آکھیا جو وزیراعظم شہباز شریف دے وژن دے تحت اے اقدام پورے ملک اچ صنعتی ترقی اچ نویں جان پوسی۔ اپٹما دے وفد حکومت توں درخواست کیتی جو ساختی رکاوٹاں ختم کیتیاں ونڄن اتے ایجھا سازگار ماحول ݙتا ونڄے جو عالمی منڈی اچ برآمدی شعبیں دی مقابلے دی اہلیت کوں متاثر نہ کرے
