چترال ۔ 07 ستمبر (اے پی پی) وزیراعظم محمد نوازشریف چترال اچ مختلف فلاحی اتے ترقیاتی منصوبیں دا سنگ بنیاد رکھنڑ اتے وفاقی حکومت دی مالی مدد نال تعمیر تھیونڑ آلے وڈے لواری ٹنل پراجیکٹ دے معائنے سانگے بدھ کوں اتھاں پجے۔ وزیراعظم دے مشیر انجینئر امیر مقام تے علاقہ دے بئے عمائدین تے پاکستان مسلم لیگ (ن) دے رہنماواں دی وڈی تعداد انہاں دا استقبال کیتا۔ وزیراعظم مختلف ترقیاتی منصوبیں دا جائزہ گھنسن تے بونی بوزند کور روڈ دی توسیع اتے مرمت سمیت بہوں وڈے ترقیاتی منصوبے دا سنگ بنیاد رکھیسن ۔ 25 کلو میٹر طویل بونی روڈ وفاقی حکومت دے سالانہ ترقیاتی پروگرام دی مدد دے نال پورا تھیسی جیں نال مختلف منڈیاںتوں چترال شہر تئیں آسان رسائی دے علاوہ چنگیاں مواصلاتی سہولتاں ملسن۔ وزیراعظم چترال اچ ہک وڈے جلسے توں وی خطاب کریندے پن ۔
