اسلام آباد۔17مئی(اے پی پی)وفاقی وزیر بحری امور قیصر احمد شیخ نیول ہیڈکوارٹرز اسلام آباد دا دورہ کیتے اتے چیف آف نیول سٹاف ایڈمرل نوید اشرف نال ملین۔ انہاں باہمی دلچسپی دے پیشہ ورانہ امور، علاقائی بحری سلامتی اتے بحر ہند دے خطے اچ پاکستان نیوی دے کردار تے ڳالھ مہاڑ تھئی۔ انہاں بحری معیشت دے امکانات اتے ملک دی مجموعی اقتصادی ترقی دی اہمیت تے الائے۔ بعد اچ وفاقی وزیر کوں پاکستان دے بحری چیلنجز، مواقع اتے مستقبل اچ اقتصادی ترقی کیتے پاک بحریہ دے اقدامات تے بریفنگ ݙتی گئی۔
