روم ۔5جون(اے پی پی):وفاقی وزیرداخلہ محسن نقوی آکھیے ہݨ اووسیز پاکستانیاں کوں ارجنٹ پاسپورٹ 7 ݙینھ اچ اتے نارمل 30 ݙینھ اچ مل ویسی ، اووسیز پاکستانیاں سانڳے مانیٹرنگ سیل بݨا ݙتے ، شہر بانو ایں سیل دی انچارج ہوسن۔وفاقی وزیرداخلہ محسن نقوی اٹلی دے دارلحکومت روم اچ پاکستانی سفارتخانے دا دورہ کیتا جتھاں انہاں پاسپورٹ سیکشن دا معائنہ کیتے۔ وفاقی وزیرداخلہ سیکشن اچ موجود اوورسیز پاکستانیاں نال ملاقات کیتی تے مسئلے پچھیے ۔ وفاقی وزیر اوورسیز پاکستانیز چودھری سالک حسین وی رلے ہن ۔پاکستانی سفیر علی جاوید وفاقی وزراء دا استقبال کیتا تے سفارتخانے دے افسراں نال تعارف کرائے۔وفاقی وزراء محسن نقوی اتے چودھری سالک حسین سفارتخانے اچ پاسپورٹ سیکشن دامعائنہ کیتے۔وفاقی وزیراوورسیزپاکستانیز سالک حسین سیکشن اچ موجود منڈی بہاو الدین اتے گجرات توں تعلق رکھݨ آلے لوکاں نال ملیے انہاں دے مسئلے سݨیے ۔وفاقی وزیر اوورسیزپاکستانیز سالک حسین متعلقہ حکام کوں فون کرتے لوکاں دے مسئلے حل کیتے ۔وزیر داخلہ محسن نقوی آکھیے اوورسیزپاکستانیاں دی سہولت سانڳے صوبیں توں تھیوݨ آضی پولیس تصدیق سانڳے بہترین نظام بݨاوݨ سانڳے وختی کم کریسن ۔وفاقی وزیرداخلہ محسن نقوی پاسپورٹ دی مقررہ مدت اچ جاری کرݨ سانڳے احکامات جاری کیتے۔
