xاسلام آباد ۔ 27 اکتوبر (اے پی پی) وزیراعظم دی معاون خصوصی برائے اطلاعات ونشریات ڈاکٹر فردوس عاشق اعوان آکھیے جو انشاءاللہ کشمیربنڑسی پاکستان دا نعرہ حقیقت ثابت تھیسی، وزیراعظم عمران خان کشمیریاں دے ترجمان، سفیر اتے وکیل ہین،کشمیریاں دی جدودجہد کوں کڈاھیں کلہا نہ چھڑیسوں۔اے گالھ وزیراعظم دی معاون خصوصی ڈاکٹر فردوس عاشق اعوان دا پریس کلب دے باہرو بھک ہڑتالی کیمپ اچ خطاب اچ آکھی۔انہاں حریت رہنما یاسین ملک دی اہلیہ مشال ملک اتے کیمپ دے بئے شرکاءدی بھک ہڑتال وی مکوائی۔فردوس عاشق اعوان یوم سیاہ دے موقع تے حریت رہنماواں دی موجودگی اچ آکھیا جو وزیراعظم عمران خان دا سنیہا پوری قوم اتے کشمیریاں دیا ٓواز اے، 72سال بعد وی بھارتی فوج دے مظالم کشمیریاں دی جدوجہد نئیں تروڑ سگیے،بدترین نسل کشی دے باجود کشمیری بھارت دے اگو ڈٹیے ہوئن،کشمیریاں دی قربانی ضائع نہ ویسی،پاکستان دے عوام کشمیریاں دی جدوجہد کوں سلام پیش کریندے ہوئے اے عہد کریندی اے جو او کشمیریاں کوں کلہا نہ چھڑیسی،پورے جگ اچ کشمیری دا مقدمہ ایویں لڑسوں جیندا منڈھ وزیراعظم عمران خان بدھیے ´، او ویلھا آونڑ آلا اے جڈاں کشمیری ظلم دے اندھارے توں چھٹکارا پا تے آزادی داسجھ ڈیکھسن۔انہاں آکھیے جو کشمیر دے بغیر پاکستان دا وجود نامکمل اے،اے روح دا رشتہ ہمیش قائم راہسی اتے پاکستان کشمیریاںدی ہر سطح تے حمایت جاری رکھیسی۔
.jpg)
