اسلام آباد۔29ستمبر (اے پی پی) وفاقی وزیر منصوبہ بندی و ترقی اتے ڈپٹی چئیرمین این ایف آر سی سی احسن اقبال آکھیے جو سیلاب توں وݙے پیمانے تے تباہی تھئی اے ،مسلح افواج آپݨے وسائل استعمال کریندے ہوئیں امدادی کارروائیاں اچ ودھ چڑھ تے حصہ ڳھدا ، صوبائی حکومتاں امدادی کارروائیاں دی سربراہی کریندیاں پئن ،پسماندہ ترین علاقے شدید متاثر تھئن ۔اے ڳالھ انہاں خمیس کوں میڈیا اینکر پرسنز دا این ایف آر سی سی دا دورہ کرݨ دے موقع تے انہاں نال ڳالھ مہاڑ کریندے ہوئیں آکھی اے ،وفاقی وزیر و ڈپٹی چئیرمین این ایف آر سی احسن اقبال غیر ملکی امدادی کاروائیاں توں متعلق اینکر پرسنز کوں ݙسیا ۔وفاقی وزیر آکھیے جو این ایف آر سی سی دا اجلاس باقائدگی نال روزانہ تھیندے ، موسمیاتی تبدیلی غیر معمولی مینھ وسݨ دا موجب بݨی ،سیلاب توں وݙے پیمانے تے تباہی تھئی ، وفاقی وزیر آکھیے جو مسلح افواج آپݨے وسائل بروئے کار گھن آندے ہوئیں امدادی کارروائیاں اچ ودھ چڑھ تے حصہ ڳھدا ،صوبائی حکومتاں امدادی کاروائیاں کوں لیڈ کریندیاں پئن ،پسماندہ ترین علاقے شدید متاثر تھئن۔انہاں آکھیے جو قدرتی آفات موسمیاتی تبدیلی دا مظہر ہن جیں نال نبݨݨ کیتے مستقبل دی منصوبہ بندی کریندے پیوں ،20 پسماندہ ضلعیں کیتے 40 ارب روپے دا پروگرام شروع کیتے ،سول سوسائٹی دے ادارے گرانقدر خدمات سرانجام ݙیندے پئن ، قوم کوں ھک مٹھ تھی تے سیلاب توں تباہ تھیوݨ آلیں دی مدد کرݨی اے۔
