اسلام آباد۔20فروری (اے پی پی):وزیر اعظم دے معاون خصوصی موسمیاتی تبدیلی ملک امین اسلم آکھیے جو موسم بہار 2022 کیتے پورے ملک اچ 54کروڑ ٻوٹے رہاوݨ دا ہدف مقرر کیتا ڳئے ، سارے صوبائی محکمہ جنگلات دی مشاورت توں ملک اچ موسم بہار اچ شجرکاری مہم شروع کرݨ کیتے ھک جامع حکمت عملی بݨائی اے، اتوار کوں وزارت موسمیاتی تبدیلی دے ترجمان موجب معاون خصوصی آپݨے ھک بیان اچ آکھیے اساں وزیر اعظم عمران خان دے ݙاہ بلین ٹری سونامی پروگرام دے تحت فروری توں اپریل تئیں موسم بہار دے موسم اچ پورے ملک اچ 54کروڑ توں ودھ ٻوٹے رہاوݨ دا ہدف بݨائے ”۔ملک امین اسلم آکھیے جو پاکستان بوائے اسکاؤٹ ایسوسی ایشن دے 7,50,000 اسکاؤٹ ممبران شجرکاری مہم اچ شامل تھیسن ۔ملک امین اسلم مزید آکھیے جو موسم بہار دی شجرکاری مہم اچ سارے سرکاری تے غیر سرکاری سول سوسائٹی دیاں تنظیماں دے ارکان بشمول تعلیمی اداریں، سیاسی رہنماواں، قومی اسمبلی اتے سینیٹ دے ارکان وی شرکت کریسن ۔
