اسلام آباد۔25جولائی(اے پی پی) سپیکر قومی اسمبلی راجہ پرویز اشرف آکھیے چنڳاں طرز حکمرانی ملک دی تعمیر و ترقی اچ اہم کردار ادا کریندی اے تے خوشحال اتے فلاحی معاشرے دی تشکیل اچ اہم سنگ میل دی حیثیت رکھیندی اے ، چنڳے طرز حکمرانی کیتے شفافیت، احتساب، عوام کوں جواب ݙیوݨ تے دیانتداری ضروری اے۔ اے ڳالھ انہاں پاکستان گورننس فورم 2023 دے افتتاحی اجلاس توں خطاب کریندے ہوئیں آکھی ۔ سپیکر قومی اسمبلی راجہ پرویز اشرف آکھیے جو چنڳے تے موثر طرز حکمرانی دے ذریعے ملک کوں ترقی اتے خوشحالی دے رستے تے ٹوریا ونڄ سڳدے ، انہاں آکھیے پارلیمنٹ موثر حکمرانی یقینی بݨاوݨ اچ اہم کردار ادا کریندی اے ۔انہاں چنڳے طرز حکمرانی کیتے شفافیت، شمولیت، اتے عوام کوں جواب ݙیوݨ دے اصولاں تے عمل کرݨ دی لوڑھ تے زور ݙتا – انہاں فلاحی معاشرے دی تشکیل جئیں اچ ہر شہری کوں برابر دا حق تے ترقی و خوشحالی دے مساوی موقع ملن ایندی لوڑھ تے وی زور ݙتا۔ انہاں سپریم قانون ساز ادارے دے طور تے قومی اسمبلی دی اہمیت ݙسیندے ہوئیں آکھیے جو پارلیمان قوانین تے پالیسیاں وضع کرتے شہریاں دے حقوق دے تحفظ کوں یقینی بݨیندن ۔
