راولپنڈی۔28جولائی (اے پی پی) پاک فوج دے سربراہ جنرل قمر جاوید باجوہ نال پاکستان اچ پولینڈ دے سفیر میکیج پسارسکی ملاقات کیتی جئیں اچ آپسی دلچسپی دے معاملے، علاقائی سلامتی اتے ݙوہیں ملکاں وچال ݙو پاسہ اتے دفاعی تعاون ودھاوݨ تے ڳالھ مہاڑ کیتی ڳئی۔ آئی ایس پی آر دے مطابق ایں موقع تے پاک فوج دے سربراہ جنرل قمر جاوید باجوہ آکھیا جو پاکستان پولینڈ نال آپݨے تعلقات کوں قدر نال ݙیکھدے اتے اساں سانجھے فائدے دی بنیاد تے آپسی دلچسپی دے شعبیاں اچ تعلقات کوں ودھاوݨ کیتے پرامید ہیسے۔ معزز مزمان علاقائی امن تے استحکام کیتے پاکستان دے مثبت کردار دی تعریف کیتی اتے پاکستان نال ہر سطح تے سفارتی تعاون اچ ٻئی بہتری کیتے آپݨا کردار ادا کرݨ دا عزم کیتا۔
