اسلام آباد۔21اگست(اے پی پی) نگراں وزیر قومی صحت ڈاکٹر ندیم جان آکھیے یونیسف دی خدمات کوں اساں صحت دے شعبے اچ قدر دی نگاہ نال ݙیکھدوں۔ ،ملک توں پولیو کوں پاک کرݨ دا عزم کر رکھیے ،غذائی قلت تے قابو پاوݨ کیتے ھک مربوط حکمت عملی دے تحت کم کریندے پیوں ۔ اے ڳالھ انہاں یونیسف دے نمائندہ عبداللہ فادل نال ملاقات اچ آکھی اے ۔ ملاقات اچ سیکرٹری صحت افتخار علی شلوانی ایڈیشنل سیکرٹری کامران رحمان خان اتے ڈی جی ہیلتھ وی موجود ہن۔ملاقات اچ صحت دے شعبے اتے سانجھی دلچسپی دے امور تے ڳالھ مہاڑ کیتی ڳئی ۔ ایں موقع تے یونیسف دے نمائندے عبداللہ فادل وزیر صحت کوں اہم ذمے واریاں ملݨ تے مبارخ ݙتے انہاں آکھیے تساݙیاں قائدانہ صلاحیتاں توں صحت دے شعبے اچ بہتری آسی ، تساݙے تجربے نال صحت دے شعبے اچ بہتری آسی ،تساݙی صحت دے شعبے اچ خدمات قابل تحسین ہن ۔ انہاں آکھیے صحت دے شعبے دی بہتری کیتے یونیسف دا ادارہ ہرممکن تعاون کریندا رہسی ۔صحت دے شعبے دی بہتری کیتے وزارت نال رل تے کم کریندے پیوں ایں موقع تے نگراں وزیر صحت ڈاکٹر ندیم جان آکھیے یونیسف دی خدمات کوں صحت دے شعبے اچ قدر دی نگاہ نال ݙیکھدوں یونیسیف ہر اوکھ اچ پاکستان دا ساتھ ݙتے ۔ انہاں آکھیے گھٹ مدت اچ متاثر کن تے مثالی بہتری گھن آسوں ۔ نگراں وزیر اعظم پاکستان دی قیادت اچ مفاد عامہ اتے فلاح وبہبود کیتے سارے ضروری اقدامات یقینی بݨیسوں ۔
