ماسڪو -19 مارچ (اي پي پي) سعودي عرب جي شاهه سلمان بن عبدالعزيز ۽ ولي عهد شهزاده محمد بن سلمان روس جي صدر ولاديمير پيوٽن کي نئين صدارتي عرصي لاءِ چونڊن تي مبارڪون ڏنيون آهن. ايس پي اي مطابق شاهه سلمان روس جي صدر، روس جي دوست عوام جي وڌيڪ ترقي، ڪاميابي ۽ خوشحالي جي اميد جو اظهار ڪيو. هن ٻنهي دوست ملڪن وچ ۾ بهترين لاڳاپن جي تعريف ڪئي جن کي سڀني شعبن ۾ مضبوط بڻائن ۽ ترقي ڏيڻ چاهي ٿو. ولي عهد شهزاده محمد بن سلمان پڻ روس جي صدر کي مبارڪن جو پيغام موڪليو آهي. هن روس جي صدر ۽ روس جي دوست عوام جي ڪاميابي، ترقي ۽ خوشحالي لاءِ نيڪ تمنائن جو اظهار ڪيو. واضح رهي ته ولاديمير پيوٽن پنجون ڀيرو صدر چونڊيو آهي. اليڪشن ۾ ولاديمير پيوٽن 87.2 سيڪڙو ووٽ حاصل ڪيا، روس جو صدر پهريون ڀيرو 1999ع ۾ اقتدار سنڀاليو هو.
