اسلام آباد ۔ 14 نومبر (اے پی پی) محکمہ موسمیات ملک دے اتلے تے ادھلے علاقیں اچ مینھ تے پہاڑاں تے برف باری دی پیش گوئی کیتی ہے ، مینھ تے درجہ حرارت اچ گھٹکی پاروں شہری علاقیں اچ سموگ گھٹ تھی ویسی ۔ ملک دے مختلف علاقیں اچ موسم پالے دا پہلا مینھ وسیا ، گزریل 24 گھنٹے دے دوران فیصل آباد، بہاولپور، ڈی جی خان، کوہاٹ، ڈی آئی خان، سکھر لاڑکانہ، کوئٹہ، قلات، ژوب تے سبی ڈویژن اچ تکھی ہوا تے کھمنڑ نال مینھ وسیا ۔ ساریں توں ودھ مینھ بلوچستان اچ ژوب دی جاہ تے 28 ملی میٹر ریکارڈ کیتی گی۔ ایندے علاوہ سبی 11، بارکھان، قلات 07، کوئٹہ 04، لسبیلہ، دالبندین 01، پنجاب اچ لیہ دی جاہ تے 16، ڈی جی خان 12، کوٹ ادو 11، خان پور09، شورکوٹ 08، بھکر 07، ملتان 06، بہاولپور 03، ٹوبہ ٹیک سنگھ 02، جھنگ01، خیبرپختونخوا میں ڈی آئی خان دی جاہ تے 13 اتے بنوں اچ01، سندھ اچ جیکب آباد دی جاہ تے 06، موہنجوداڑو 04، لاڑکانہ 03، روہڑی تے سکھر اچ 02 ملی میٹر مینھ ریکارڈ کیتا گیا ۔ محکمہ موسمیات دے مطابق ملک دے اتلے تے ادھلے علاقیں اچ مینھ تے پہاڑاں تے برف پوونڑ دا امکان ہے ۔مینھ وسنڑ پاروں درجہ حرارت اچ گھٹکی تے شہری علاقیں اچ سموگ گھٹ تھی ویسی ۔آندے 24گھنٹے دے دوران اتلے خیبرپختونخوا، فاٹا، اسلام آباد، بالائی پنجاب (راولپنڈی، لاہور، گوجرنوالہ، فیصل آباد، سرگودھا ڈویژن)،کشمیر تے گلگت بلتستان اچ کہیں کہیںجاہ تے کھمنڑ دے نال مزید مینھ وسنڑ دا امکان ہے ۔ منگل کوں ملک اچ ساریں توں ودھ پالا سکردو اچ پئی جتھاں ودھ توں ودھ درجہ حرارت منفی چار ڈگری سینٹی گریڈ جڈاں جو کالام، قلات اتے گوپس اچ صفر ڈگری سینٹی گریڈ ریکارڈ کیتاگیا۔
