اسلام آباد ۔ 25 اگست (اے پی پی) وزیر ریلوے شیخ رشید احمد نال سعودی سفیر نواف سعید احمد المالکی ملاقات کیتی۔ملاقات اچ ڈوہیں ملکاں دے سانجھے تعلقات دے امور تے گال مہاڑ تھئی ۔ شیخ رشید احمد آکھیے جو پاکستان تے سعودی عرب دے تلعقات بہوں پرانڑے ہن ۔ڈوہیں ملکاں دے عوام دے دل کٹھے دھڑکدن ۔پاکستان تے سعودی عرب دے تعلقات اسلامی بھرپی تے محبت اتے مبنی ہن ۔ پاکستان اتے سعودی عرب بین الاقوامی امور تے ہمیشہ ہک ڈوجھے دے موقف دی حمایت کیتی اے ۔ وزیر ریلوے شیخ رشید احمد سعودی سفیر دی وزارت ریلوے آمد تے انہاں کوں گلدستہ پیش کیتا۔ سعودی سفیر خیر مقدم تے شکریہ ادا کیتا۔شیخ رشید احمد دی صحت متعلق پچھیا اتے سانجھی دلچسپی دے امور تے گال مہاڑ کیتی ۔
