سلام آباد۔1جون(اے پی پی)وزیر داخلہ شیخ رشیداحمد آکھیے جو عمران خان دی حکومت کویت کیتے ویزے بحال کرا ݙتن، کویت کیتے میڈیکل، تعمیرات اتے مختلف شعباں اچ روزگار اتے فیملی ویزہ دی سہولت بحال تھی گئی اے جیندا کریڈٹ وزیراعظم عمران خان دی حکومت دا اے، اے ٻہوں وݙا مسلہ ہا جیندے نال پاکستانی ورک فورس کوں سوکھ ملسی اتے بیرونی زر مبادلہ آسی۔ اسلام آباد اچ پریش کانفرنس کریندے انہاں آکھیا جو وزیراعظم دی ہدایت تے کویت ڳیا ہم، دورے اچ وݙی پیش رفت تھئی اے۔ انہاں آکھیا جو سعودی عرب اچں 30لکھ ملازمتاں دے مواقع ہین جیندے اچوں 30 فیصد پاکستانیاں کوں ملسن، غیر ملکی ترسیلات زر دا پاکستانی معیشت اچ وݙا کردار اے جیندے اچوں پاکستانی معیشت کوں استحکام آسی، پاکستان توں ڈاکٹرز اتے تعمیرات دے شعبہ دی افرادی قوت کویت ویسی، کویت اچ پاکستانی قیدیاں بارے وی الائے، اتھاں قید 52 پاکستانیاں اچوں 6 ولݨ چاہندن۔
