اسلام آباد۔23نومبر(اے پی پی) دفتر خارجہ دی ترجمان ممتاز زہرہ بلوچ ہفتہ وار میڈیا بریفنگ اچ آکھیے نگران وزیرخارجہ جلیل عباس جیلانی 28 نومبر کوں بیلجیئم اچ تھیوݨ آلی عالمی تارکین وطن کانفرنس اچ شرکت کریسن ۔وزیر خارجہ کانفرنس اچ غیرقانونی پناہ گزیناں دے حوالے نال ڳالھ مہاڑ وی کریسن ۔غزہ دی صورتحال تے ڳالھ کریندے ہوئیں انہاں آکھیے پاکستان غزہ اچ جنگ بندی دا منتظر اے جنگ بندی نال غزہ دے متاثرین تئیں امداد پڄݨ اچ مدد ملسی ۔ترجمان دفتر خارجہ آکھیے اسرائیلی جارحیت توں غزہ دے متاثرہ ٻالاں دے تحفظ دا مطالبہ کریندوں جݙاں جو بھارت دے غیرقانونی زیرقبضہ جموں کشمیر اچ وی ٻال بھارتی افواج دے ظلم دا شکار تھیندے پئن۔
