اسلام آباد۔10اکتوبر (اے پی پی) چین دے وزیر اعظم دے دورے توں پہلے ݙوہیں ملکاں وچال مختلف شعبیاں اچ تعاون کوں ٻیا بہتر ٻݨاوݨ کیتے ہک لائحہ عمل ٻݨایا ویسی۔ چین دے وزیر اعظم دے متوقع دورے کوں پاکستان کیتے ہک اہم موقع دے طور ݙٹھا ویندا پئے۔ ایں دورے اچ ݙوہیں ملکاں وچال نویں معاہدے اتے منصوبیاں تے دستخط ??ھی??ݨ دی توقع اے جو سی پیک کوں نویں اچائی تے ڳھن ویسی۔ حکام موجب گزریل ݙینھ وفاقی وزیر منصوبہ بندی ترقی واصلاحات وخصوصی ??قد??مات پروفیسر احسن اقبال چین دے وزیر اعظم دے متوقع دورے پاروں مختلف شعبیاں اچ تعاون کوں ودھاوݨ اتے سانجھا لائحہ عمل طے کرݨ کیتے ہک اہم اجلاس دی صدارت کیتی۔ ایں اجلاس اچ چین پاکستان اقتصادی راہداری (سی پیک) دے تحت جاری منصوبیاں دی پیش رفت دا جائزہ ڳھدا ڳئیا۔ اجلاس اچ سی پیک دے مختلف منصوبیاں دی رفتار دا تفصیلی جائزہ ڳھدا ڳئیا جئیں اچ توانائی، انفراسٹرکچر، اتے صنعتی زونز دے ترقیاتی کم شامل ہن۔ پروفیسر احسن اقبال آکھیا جو چین نال زراعت، ٹیکنالوجی، اتے صنعت سودھے مختلف شعبیاں اچ تعاون کوں مضبوط ٻݨاوݨ اتے بہتر کرݨ کیتے ہک جامع لائحہ عمل ٻݨایا ویسی۔ انہاں زور ݙتا جو سی پیک دے فیز ٹو دے تحت ودھ توں ودھ سرمایہ کاری کوں ملک اچ آندی ونڄے۔ سی پیک فیز 2 اچ صنعتی ترقی، زراعت، ٹیکنالوجی، اتے سماجی و اقتصادی تعاون تے خصوصی توجہ ݙتی ویندی پئی اے۔ احسن اقبال آکھیا جو ایں فیز اچ خصوصی اقتصادی زون (SEZs) کوں ودھارا ݙیوݨ اہم ہدف اے۔
