اسلام آباد۔9دسمبر (اے پی پی):گزریل چووی گھنٹے اچ کورونا وائرس پاروں خیبرپختونخوا دے بعد پنجاب اچ ساریں توں ودھ اموات ریکارڈ کیتیاں ڳئن ۔ ملک اچ گزریل چووی گھنٹے دے دوران کورونا وائرس توں 10 اموات تھئن ۔نیشنل کمانڈ اینڈ آپریشن سینٹر دی طرفوں جاری اعدادو شمار موجب گزریل چووی گھنٹے اچ پورے ملک اچ 350 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال پشاور اچ 19 فیصد،اسلام آباد اچ 10 فیصد،سرگودھا اچ 10 فیصد اتے لاہور اچ 9 فیصد مریض ہن ۔گزریل چووی گھنٹے اچ کووڈ۔19 دے 46 ہزار 697 ٹیسٹ کیتے ڳئن جنہاں اچوں 350 کیس مثبت آئن ۔
