اسلام آباد۔5جولائی (اے پی پی):امیر البحر ایڈمرل محمد امجد خان نیازی نال سعودی عرب دے پاکستان اچ سفیر نواف بن سعید المالکی ملاقات کیتی جیں اچ سانجھی دلچسپی دے امور تے ݙوطرفہ بحری تعاون دے مزید ودھارے تے ڳالھ مہاڑ کیتی ڳئی اے۔ ترجمان پاک بحریہ موجب سعودی سفیر بحریہ ہیڈکوارٹر ز دا دورہ کیتے جتھاں انہاں پاک بحریہ دے سربراہ نال ملاقات کیتی ۔نیول چیف تے معزز مہمان خطے دی میری ٹائم سیکیورٹی صورتحال تے ڳالھ مہاڑ کیتی ۔ سعودی سفیر خطے اچ امن و استحکام کوں یقینی بݨاوݨ اچ پاک بحریہ دے کردار دی تعریف کیتی۔
