کوئٹہ۔30جنوری (اے پی پی):وزیراعلیٰ بلوچستان میر عبدالقدوس بزنجو بیلہ اچ مسافر کوچ دے المناک حادثے تے ݙکھ تے کاوڑ کریندے ہوئیں ذمہ واراں دے تعین تے انہاں دے خلاف کاروائی کرݨ دی ہدایت کیتی اے ۔ سی ایم ہائوس توں جاری بیان موجب وزیر اعلیٰ چیف سیکرٹری کوں قومی شاہراہواں تے حادثے روکݨ کیتے موثر حکمت عملی وضع کرݨ دی ہدایت کیتی اے ۔وزیراعلیٰ دی ہدایت تے چیف سیکرٹری عبدالعزیز عقیلی اڄ سنوار کوں ھک اعلیٰ سطحی اجلاس طلب سݙ ڳھدے جیں اچ کوئٹہ کراچی سودھے صوبے دی قومی شاہراہواں تے ٹریفک حادثات دی وجہ تے انہاں دے تدارک کیتے اقدامات تجویز کیتے ویسن ،ایڈیشنل چیف سیکرٹری داخلہ ،آئی جی پولیس ،آئی جی نیشنل ہائی وے اینڈ موٹر وے پولیس تے سیکرٹری ٹرانسپورٹ اجلاس اچ شریک تھیسن ، سارے کمشنر اتے ڈپٹی کمشنر اتے ڈی آئی جی موٹروے پولیس بذریعہ ویڈیو لنک اجلاس اچ شرکت کریسن ۔
