واشنگٽن-24 جنوري (اي پي پي)آمريڪي دفاع وارو وزير لائيڊ آسٽن بيماري بعد پهريون ڀيرو لائيو اسٽريم ذريعي منظر عام تي اچي ويو. العربيع اردو مطابق سندس بيماري جي خبرن ۽ بيماري جي شدت بابت صدر جو بائيڊن به ڪيترن ڏينهن کان بي خبر هو. ان دوران ريپبلڪنز سندس برطرفي جو پڻ مطالبو ڪيو جڏهن ته جوبائيڊن صدارتي چونڊن جي سال هجڻ سبب ائين نه ڪرڻ جو فيصلو ڪيو. لائيڊ آسٽن جي بيماري جو سلسلو 22 ڊسمبر کان شروع ٿيو هو 10 ڏينهن دوران کيس 02 ڀيرا اسپتال وڃڻو پيو جڏهن ته هو اڃا تائين گهر مان آفيس جا معاملا ڏسي رهيو آهي. گذريل ڏينهن لائيڊ آسٽن بيماري بعد لائيو اسٽريم ذريعي منظر عام تي آيو هن ڪجهه منٽن تائين ڌيمي لهجي ۾ ڳالهايو.
