دوحا – 22 جنوري (اي پي پي) وزيراعظم عمران خان چيو آهي ته پاڪستان کي ڪرپٽ ماڻهن ٻنهي هٿن سان ڦريو آهي، ٻاهرئين ملڪ رهندڙ پاڪستاني اصل هيروز ۽ مني لانڊرنگ ڪندڙ ولين آهن، مني لانڊرنگ ڪندڙن جي خلاف جنگ آهي، پرڏيهي سيڙپڪار پاڪستان ۾ سيڙپڪاري جي لاءِ تيار آهن، ڪرپشن ۽ ٽيڪس جي ڏکئي نظام جي ڪري رڪاوٽون هيون، قطر جي ڪاروباري ماڻهن کي ٻڌايو آهي ته 36 ٽيڪس گهٽ ڪري 16 تي کڻي آيا آهيون، اسان جي ملڪ ۾ ڪنهن به شيءَ جي کوٽ نه آهي، رڳو طرز حڪمراني سٺي گهرجي، پاڪستان اهو ملڪ بڻجڻ وڃي رهيو آهي جتي ڪنهن کي نوڪري جي لاءِ ٻاهرئين ملڪ وڃڻو نه پوندو، سياحت کي ترقي ڏئي ايتري آمدني وڌائينداسين جو ڪنهن کان اسان کي قرض وٺڻو نه پوندو. اهڙن خيالن جو اظهار هن دوحا ۾ پاڪستاني برادري کي خطاب ڪندي ڪيو.
