اسلام آباد ۔ 27 اپریل (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو ووٹاں دی گنڑتری توں شکست خوردہ اتے مایوس عناصر درخت گنر تے اپنڑا سیاسی نشہ پورا کرنڑ اچ ردھیے ہوئن بھل انہاں کوں کجھ نہ لبھسی،بلین ٹری سونامی بارے رپورٹ سیاسی سازش اے، ن لیگ درخت گنڑن دی بجائے قومی خزانے توں لٹی گئی دولت گنڑ تے ولا ڈیون، حکومت دے سیاسی مخالفین یکطرفہ دورہ کرتے اپنڑی مرضی دی رپورٹ ڈتی اے جینداسچ نال کوئی واسطہ کائنی،عدالت اچ نوازشریف دی درخواست توں ثابت تھیندے جو انہاں کوں دل دا نئیں اصل درد اقتدار دا اے اتے سامنڑے آگئے جو بلی تھیلے توں باہرو اگئی اے،نواز شریف اتے انہاں دی ٹیم کوڑ دی پنڈھ اے ،ہنڑ ڈساون جو لندن ونجنڑ کیتے کیکوں پیڑان پیاں ودن؟۔انہاںا ٓکھیے جو (ن) لیگ دی ترجمان ڈساوے جو جڈاں دی ضمانت ملی اے میاں صاحب دا دل کیویں ٹھیک تھی گئے؟او حالی تئیں ہسپتال کیوںداخل نئیں تھئے؟انہاں آکھیے جو نہیں اپوزیشن دے پلے سیاست کیتے کجھی نئیں بچیا تہوں ہنر او درخت گنڑدے ودن،بلین ٹری سونامی بارے اپوزیشن دی رپورٹ خیبرپختونخوا اچ پولیو ڈرامے آلی کار ہک بیا ڈرامہ اے۔
