اسلام آباد۔27نومبر (اے پی پی) وفاقی وزیر اطلاعات تے نشریات مریم اورنگزیب آکھیا جو وزیراعظم دے چارٹر آف اکانومی دے وژن نال سارے ادارے استحکام آلے پاسے ویندے پن، نینگر اساݙا قیمتی اثاثہ ہن، پاکستان دی66 فیصد آبادی30 سال توں ڳھٹ عمر دے نینگراں دی اے۔ نینگر اساݙا قیمتی اثاثہ ہن۔ اے ڳالھیں انہاں “اکنامک افیئرز” میگزین دے اجرا دی تقریب توں خطاب کریندیں ہوئیں آکھی۔ انہاں آکھیا جو مسلم لیگ ن دے گزریل دور حکومت اچ پاکستان یوتھ پروگرام شروع کیتے۔ وفاقی وزیر آکھیا جو پاکستان یوتھ پروگرام اچ نینگراں کوں زیرو ٹیکس تے مراعات ݙیسن۔ انہاں آکھیا جو مسلم لیگ ن دی حکومت اپݨے پچھلے دور اچ ایں پروگرام اچ نینگراں کوں ٹیکنالوجی ݙیوݨ جیھے منصوبے شروع کیتے۔ مریم اورنگزیب آکھیا جو پاکستان دی 66 فیصد آبادی30 سال توں ڳھٹ عمر دے نینگراں دی اے۔ انہاں آکھیا جو وزیراعظم محمد شہباز شریف دے چارٹر آف اکانومی دے وژن نال سارے ادارے استحکام آلے پاسے ویندی پی اے۔ انہاں آکھیا جو اکنامک افیئرز میگزین دا اجرا پاکستان دی 75 سالہ تقریبات بارے کیتا ویندا پے۔ میگزین اچ پاکستان دے 75 سالہ معاشی کامیابیاں دا احاطہ کیتا ڳے۔ مریم اورنگزیب آکھیا جو پاکستان دی تاریخ اچ معاشی اتار چڑھاؤ دی تفصیل وی میگزین اچ شامل اے۔ ایں موقع تے سیکریٹری اطلاعات شاہیرہ شاہد، پرنسپل انفارمیشن آفیسر مبشر حسن اتے وزارت اطلاعات دے ٻے حکام وی موجود ہن۔
