اسلام آباد۔10جنوری(اے پی پی) چیئرمین سینیٹ محمد صادق سنجرانی وفد دے رلے عراق پڄݨ تے عراقی خارجہ تعلقات کمیٹی دے سینئر چیئرمین عامر الفائز ایئرپورٹ تے استقبال کیتا۔ سینیٹ سیکرٹریٹ موجب ایں موقع تے ملاقات اچ ݙوہیں دوست ملکاں وچال تعلقات کوں ودھاوݨ دی اہمیت تے زور ݙتا ڳئے ۔ چیئرمین سینیٹ اتے وفد پرتپاک استقبال تے خوشی دا اظہار کریندے ہوئیں عراق اچ نویں سروں تعمیر تے ترقی دے نویں دوردے آغاز تے مبارخ ݙتی ۔ چیئرمین سینیٹ محمد صادق سنجرانی عراقی پارلیمان دے اسپیکر کوں سینیٹ آف پاکستان دی گولڈن جوبلی تقریبات اچ شرکت دی دعوت وی ݙتی۔ چیئرمین سینیٹ صادق سنجرانی وفد دے رلے بغداد اچ الشیخ عبد القادر جیلانی رحمۃ اللہ علیہ دے مزار اقدس تے حاضری ݙتی۔ چیئرمین سینیٹ کوں دربار دے مختلف حصیں دی زیارت کروائی ڳئی اتے تبرکات پیش کیتے۔ چیئرمین سینیٹ صادق سنجرانی ملک و قوم دی سلامتی تے امن و استحکام کیتے دعائیں منگیاں۔ چیئرمین سینیٹ صادق سنجرانی عراق دے چار ݙینھ دے دورے تے ہن جتھاں عراق اچ اعلی حکام نال ملاقاتاں کریسن ۔
