اسلام آباد۔11اکتوبر (اے پی پی) پاک فوج دے 12 میجر جنرلز کوں لیفٹیننٹ جنرل دے عہدے تے ترقی ݙے ݙتی ڳئی اے۔ آئی ایس پی آر دے مطابق لیفٹیننٹ جنرل دے عہدے تے ترقی کرݨ آلیاں اچ ڈی جی آئی ایس پی آر میجر جنرل افتخار بابر ، میجر جنرل انعام حیدر ملک، میجر جنرل فیاض حسین شاہ اتے میجر جنرل نعمان زکریا، میجرجنرل محمدظفر اقبال، میجرجنرل ایمن بلال صفدر ، میجر جنرل احسن گلریز، میجر جنرل سید عامر رضا، میجر جنرل شاہد امتیاز، میجر جنرل منیر افسر، میجر جنرل یوسف جمال اتے میجر جنرل کاشف نذیرشامل ہن۔
