اسلام آباد۔30نومبر (اے پی پی) وفاقی وزیر برائے منصوبہ بندی ترقی تے خصوصی اقدامات پروفیسر احسن اقبال آکھیا جو ملک دی ترقی دے اہداف کوں حاصل کرݨ کیتے اعلیٰ تعلیم ڳھنݨ ٻہوں ضروری اے اتے حکومت معاشرے دے پسماندہ طبقے کوں تعلیم ݙیوݨ کیتے پرعزم اے۔ اے ڳالھیں انہآں بدھ کوں ہائیر ایجوکیشن اتے افرادی قوت دی ترقی بارے بین الاقوامی سربراہی اجلاس توں خطاب کریندیں ہوئیں آکھی۔ ایں موقع تے خطاب کریندیں ہوئیں انہاں آکھیا جو اے سربراہی اجلاس پاکستان دی ترقی دی ترجیحات بارے ہک چنڳا کم اے کیونجو پاکستان دے اعلیٰ تعلیمی نظام کیتے امریکی تعاون دی ہک وݙی تاریخ اے۔ تقریب اچ امریکی سفیر ڈونلڈ بلوم، ریاست یوٹاہ دے سینیٹر ڈاکٹر کیتھ گروور، چیئرمین ہائر ایجوکیشن کمیشن ایچ ای سی، ڈاکٹر مختار احمد اتے ٻے لوک شریک تھیے۔ وفاقی وزیر آکھیا جو پاکستان اچ نینگر نہ صرف آپݨے مستقبل دی تعلیم بارے فکر مند ہن بلکہ آپݨی معاش، اپݨی ذہنی صحت اتے تندرستی بارے وی فکر مند ہن۔ یاد راہوے جو پاکستان اچ نینگراں اچ بے روزگاری دی شرح دا تخمینہ 8.5 توں 10 فیصد وچال، 80 فیصد نینگراں دی افرادی قوت کنے تعلیم دی سطح ڳھٹ اے اتے اوندے وجہ مہارتاں دے معیار، رسائی اتے مطابقت اچ فرق اے۔
