اسلام آباد۔9اگست(اے پی پی) نائب وزیر اعظم تے وزیر خارجہ سینیٹر محمد اسحاق ڈارآکھیے پاکستان دا ترقیاتی ایجنڈ اڳوں ودھاوݨ سانڳے اساکوں رل تے کردار نبھاوݨا ہوسی ، روایتی سفارتکاری توں اقتصادی سفارت کاری آلے پاسے خود کوں موڑݨا ہوسی ، فارن سروس اکیڈمی کوں جدید تقاضیں نال جوڑݨ سانڳے سہولتاں اپ گریڈ کیتیاں ویندیاں پئن ، سفارت کاراں کوں پاکستانیاں دی خدمت سانڳے ہر ویلھے دستیاب رہݨا چاہیدے ۔ اے ڳالھ انہاں فارن سروس اکیڈمی اچ ڈپلومیٹک کورس مکمل کرݨ آلے گریجویٹس توں خطاب اچ آکھی اے ۔ نائب وزیر اعظم آکھیے نویں تے غیر روایتی سکیورٹی چیلنجز عالمی سلامتی کوں غیر یقینی بݨا ݙتے ، سفارتی خدمات اچ رلݨ تے آپݨی ذمہ واریاں نال نبݨݨا ہوسی ۔ محمد اسحاق ڈار آکھیے بلاک دی سیاست، عالمی سیاست، معیشت اتے بین الریاستی تعلقات کوں خراب طریقے نال متاثر کریسی ، دنیا تے پاکستان ھک تبدیلی توں گزردے پئن ۔ سفارت کار بحراناں نال نبݨݨ دے مشن اچ جواب ݙیوݨ آلے پہلے فرد ہوندن ، نینگر سفارت کاراں کوں قوم سانڳے آپݨے فرض کوں ہمیشہ یاد رکھݨا چاہیدے، انہاں ایں یقین دی ڳالھ کیتی اے جو سارے پاکستانی سفارت کار ملک کوں خوشحالی امن اتے ترقی دے رستے اڳوں گھن تے ویسن ۔ نائب وزیراعظم سینیٹر اسحاق ڈار آکھیے نینگر سفارت کار پاکستان دا روشن مستقبل بݨاوݨ اچ مدد کر سڳدن ، سفارت کاراں کوں پاکستانیاں دی خدمت سانڳے ہر ویلھے دستیاب رہݨا چاہیدے ، فارن سروس اکیڈمی کوں اپ گریڈ کرݨ سانڳے پورے تعاون دا یقین ݙوینداں ، فارن سروسز اکیڈمی اچ آرائش دا وݙا کم تھیندا پئے جݙاں جو ادارے کوں جدید تقاضیں نال جوڑݨ سانڳے سہولتاں اپ گریڈ کیتیاں ویندیاں پئن ۔ انھاں سفارت کاراں تے زور ݙتے جو او ملک دے نمائندے ہووݨ دی حیثیت نال پاکستانیاں دی فلاح و بہبود دا خیال رکھݨ انہاں دا پہلا فرض اے ، سفارت کاراں کوں عالمی قانون اتے سیاست دے نال نال اقتصادی سفارت سفارت کاری دا وی ماہر ہووݨا چاہیدے ۔ نائب وزیراعظم آکھیے سفارت کاراں تے فرض اے جو او آپݨی صلاحیتاں موجب پاکستان دی خدمت کرن ۔ایں ڳالھ تے زور ݙتے جو نینگر سفارت کاراں کوں تجارت اتے سرمایہ کاری سودھے ضروری مہارتاں نال لیس کیتا ونڄے ۔ انہاں آکھیے پاکستان دا ترقیاتی ایجنڈا اڳوں ودھاوݨ سانڳے اساکوں رل تے کردار نبھاوݨاں ہوسی ، سفارت کار اپݨے متعلقہ ملکاں اچ پاکستان دے سفیر دے طور تے خدمات انجام ݙیندن، سفارت کاراں کوں عالمی قانون تے سیاست نال اقتصادی سفارت کاری دا وی ماہر ہووݨا چاہیدے ، پاکستان دا ترقیاتی ایجنڈا اڳوں ودھاوݨ سانڳے اساکوں رل تے کردار نبھاوݨا ہوسی۔ سینیٹر محمد اسحاق ڈار آکھیے عالمی تبدیلیاں پاکستان دے عالمی تعلقات اتے خارجہ پالیسی تے براہ راست اثر انداز تھیندیاں پئن ، فارن سروس اکیڈمی ایجھے ممتاز سفارت کار بݨائن جنہاں پاکستان دی نمائندگی وݙے اعزاز نال کیتی اے ، فارن سروس اکیڈمی ہݨ تئیں 1500 توں ودھ غیر ملکی سفارت کاراں کوں تربیت ݙتی اے ۔ نائب وزیراعظم ایں ڳالھ تے زور ݙتے نینگر سفارت کاراں کوں تجارت اتے سرمایہ کاری سودھے ضروری مہارتاں نال لیس کیتا ونڄے، سافٹ پاور روایتی جنگ دی جاہ گھن ڳھدی اے ہݨ بیانیہ اتے غلط معلومات دی جنگ تھیندی پئی اے ، پوری دنیا دے معاشرے دٻاؤ دا شکار ہن جݙاں جو طاقت دے مقابلے بلاک سیاست دی واپسی دا ݙر ودھا ݙتے
