اسلام آباد – 17 آڪٽوبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته اسان جا نوجوان قوم جو روشن مستقبل ۽ ملڪ کي عظيم بڻائڻ جي اميد آهن، انهن جي معاشي ڀلائي، ترقي ۽ زندگي ۾ اڳتي وڌڻ جا موقعا پيدا ڪرڻ لاءِ ڪامياب جوان پروگرام جو اڄ آغاز ڪيو پيو وڃي، نوجوان استحصالي نظام جي خلاف عمران خان جو هر اول دستو بڻجي اڀري ۽ واهڻ واهڻ وستي وستي تبديلي جو پيغام پهچائي. پنهنجي ٽوئيٽ ۾ ڊاڪٽر فردوس عاشق اعواڻ چيو ته ڪامياب جوان پروگرام نوجوانن جي روزگار ۽ ٻين مسئلن کي حل ڪرڻ ۾ هڪ سنگ ميل ثابت ٿيندو.
