اسلام آباد -19 آڪٽوبر (اي پي پي) رٿابندي، ترقي، سڌارن ۽ خاص قدمن واري وفاقي وزير اسد عمر چيو آهي ته حضور ڪريم صلي الله عليه وسلم جن جي اسوه حسنه تي عمل پيرا ٿي اسان پنهنجي انفرادي ۽ اجتماعي زندگي جي بهتري سان گڏوگڏ آخرت کي به سنواري سگهون ٿا.
جشن عيد ميلاد النبي صلي الله عليه وسلم جن جي موقعي تي پنهنجي ٽوئيٽ ۾ هن عالم اسلام کي عيد ميلاد النبي صلي الله عليه وسلم جن جون مبارڪون ڏيندي چيو ته تاريخ جي عظيم ترين اڳواڻ نبي ڪريم صلي الله عليه وسلم جن جي اسوه حسنه ۽ سندن تعليمات تي عمل پيرا ٿي اسان پنهنجي اجتماعي زندگي ۾ بهتري سان گڏوگڏ پنهنجي آخرت کي به سنواري سگهون ٿا. وفاقي وزير پنهنجي ٽوئيٽ ۾ هيش ٽيگ وما ارسلنا الا رحمت اللعالمين به شيئر ڪيو.
