اسلام آباد۔2مئی (اے پی پی) وفاقی وزیر صحت عبدالقادر پٹیل آکھیا جو منکی پاکس دا اڄاں تئیں ہک کیس رپورٹ تھیے جئیں دا متاثرہ بندہ صحت یاب تھی ڳے، مشتبہ کیسز دے 22سیمپل بھیجے ہن جیڑھے سارے نیگٹو آئن، منکی پاکس دا پاکستان اچ کوئی کیس ہݨ کائنی۔ منگل کوں وزارت صحت توں جاری بیان موجب وفاقی وزیر آکھیا جو منکی پاکس دا مریض پمس ہسپتال اچ زیرعلاج رہیے۔ الحمد اللہ مریض کوں بہترین طبی سہولیات ݙتی ڳن اتے او ہݨ ٹھیک تھی ڳے۔ وفاقی وزیر آکھیا جو منکی پاکس بارے سارے ایئرپورٹس اتے داخلی اتے خارجی رستیاں تے ہیلتھ ریگولیشنز دی سفارشات تے عمل درآمد کوں یقینی ٻݨائے، صورت حال کنٹرول اچ اے۔
