اسلام آباد۔5جون(اے پی پی):چیئرمین سینیٹ محمد صادق سنجرانی آکھیے ماحولیات دا عالمی ݙینھ مناوݨ دا مقصد ماحولیات دے حوالے نال عوام اچ آگاہی اتے شعور اُجاگر کرݨ اے، بدقسمتی نال پاکستان انہاں ملکاں اچ شامل اے جنہاں کوں موسمیاتی تغیرات دے حوالے نال شدید چیلنجز دا سامݨا اے۔ماحولیات دے عالمی ݙینھ دے موقع تے اپݨے خصوصی پیغام اچ انہاں آکھیے موسمیاتی تغیرات دے حوالے نال بے شمار ملک مسئلیں توں ݙوچار ہن ۔ ترقی یافتہ ملکاں دی طرز تے پاکستان اچ وی موسمی تغیرات نال نبݨݨ کیتے بہتر حکمت عملی اختیار کیتی ویندی پئی اے تے سینیٹ ماحول دوست اقدامات دی ہمیشہ حوصلہ افزائی کیتی اے ۔انہاں آکھیے گلوبل وارمنگ اتے موسمیاتی تغیرات دے چیلنجز نال نبݨݨ کیتے اساکوں اپݨی طرز زندگی اچ مثبت تبدیلی گھن آوݨی ہوسی تے آپݨی آندیاں نسلاں دی بقا کیتے جنگلات دے ودھارے تے زو ݙیوݨا ہوسی۔ ماحولیاتی تبدیلیاں دی وجہ توں ساݙی سماجی و معاشرتی زندگی تے وی منفی اثرات مرتب تھئن جنہاں دا اساں ساریں کوں رل تے مقابلہ کرݨا ہوسی ۔ انہاں آکھیے بحیثیت قوم ہر پاکستانی کوں گلوبل وارمنگ دے چیلنجز نال نبݨݨ تے ماحول دی بہتری کیتے شجر کاری دے ودھارے اچ کردار ادا کرݨا ہوسی۔
