اسلام آباد۔29ستمبر (اے پی پی) پاکستان اچ چین دے سفیر جیانگ زیدونگ امید کیتی جو آندے مہینے تھیوݨ آلے تریجھے بیلٹ اینڈ ر??ڈ فورم برائے بین الاقوامی تعاون کیتے پاکستانی قیادت دے دورہ چین نال ݙوہیں ملکاں وچال سیاسی آپسی اعتماد اتے اسٹریٹجک جڑت ودھسی۔ عوامی جمہوریہ چین دی 74 ویں سالگنڈھ دے موقع تے تھیوݨ آلی تقریب توں خطاب کریندیں ہوئیں انہاں آکھیا جو ترجھے بیلٹ اینڈ ر??ڈ فورم برائے بین الاقوامی تعاون کیتے پاکستان رہنماواں دے چین دے دورے دی چنڳی تیاری کیتے پاکستان نال رَل تے کم کرݨ کیتے تیار ہیسے اتے امید کیتی جو آپسی اعتماد ودھسی اتے پاکستان اچ گلوبل ??وی??پمنٹ انیشی ایٹو، گلوبل سیکیورٹی انیشی ایٹو اتے گلوبل سولائزیشن انیشی ایٹو وی ودھسی۔ انہاں ٻیا آکھیا جو اساں پاکستان اتے ٻئے سانجھے داراں نال تعاون اتے سانجھی ترقی چاہندوں۔ جیانگ زیدونگ آکھیا جو خصوصی طور سی پی سی دی 18 ویں قومی کانگریس دے بعد صدر شی جن پنگ دی مرکزی کمیٹی دی مضبوط قیادت دے تحت چین تاریخی کامیابیاں حاصل کیتن اتے پارٹی اتے ملک دے نصب العین اچ تاریخی تبدیلیاں کیتن۔ انہاں آکھیا جو اساں جدید کاری دے چینی رستے دے ذریعے سارے محاذاں تے چینی قوم دی بحالی کوں اڳوں ودھیندے پیوں۔ چینی سفیر ٻیا آکھیا جو چین ترقی کیتے فلسفے تے عمل کریندا پئے۔ انہاں آکھیا جو 2012 توں 2022 تئیں چین دی جی ڈی پی 54 ٹریلین یو آن توں ودھ تے 114 ٹریلین یو آن تھی ڳئی اے جیڑھی جو عالمی معیشت دا 18.5 فیصد اتے عالمی اقتصادی ترقی اچ 30 توں ودھ دا حصہ اے۔ انہاں آکھیا جو ایں سال صدر شی جن پنگ دی “بیلٹ اینڈ ر??ڈ” منصوبے دی تجویز اتے سی پیک دی 10 ویں سالگنڈھ اے۔جیانگ زیدونگ آکھیا جو گزریل ݙاہ سالیں اچ بی آر آئی دے فریم ورک دے تحت 3,000 توں ودھ تعاون دے منصوبے ٻݨا ݙتے ڳئن جئیں توں تقریباً ہک ٹریلین امریکی ڈالر دی سرمایہ کاری تھئی اے۔ ایں راہ تے چلݨ آلے ملکاں کیتے 420,000 ملازمتاں پیدا تھین اتے تقریباً 40 ملین لوکاں کوں غریبی توں کݙھیا ڳئے۔ ورلڈ بینک دی رپورٹ اچ تخمینہ لاتا ڳئے جو 2030 تئیں “بیلٹ اینڈ ر??ڈ” منصوبے نال پوری دنیا اچ سالانہ 1.6 ٹریلین امریکی ڈالر دی آمدݨ تھیسی۔ ۔ بی آر آئی دے پائلٹ پروجیکٹ دے طور سی پیک مجموعی طور 25.4 بلین امریکی ڈالر دی براہ راست سرمایہ کاری، 155,000 براہ راست روزگار دے مواقع، 510 کلوم??ٹر ایکسپریس وے، 8،000 میگاواٹ بجلی اتے 886 کلوم??ٹر کور ٹرانسمیشن گرڈ پاکستان اچ ڳھن آئے ہیسے جیڑھا جو پاکستان دی معاشی اتے سماجی ترقی اچ مضبوط رفتار پیدا کریندا پئے۔ چین اتے پاکستان دی ہر موسم دی دوستی نشابر علامت ٻݨ ڳئی اے۔ انہاں آکھیا جو تریجھے بیلٹ اینڈ ر??ڈ فورم برائے بین الاقوامی تعاون کیتے پاکستانی قیادت دے دورہ چین نال ݙوہیں ملکاں وچال سیاسی آپسی اعتماد اتے اسٹریٹجک جڑت ودھسی۔انہاں آکھیا جو کمیونسٹ پارٹی آف چائنا نہ صرف چینی عوام کیتے خوشی اتے چینی قوم دی بحالی چہاندی اے بلکہ ??نسانیت کیتے ترقی اتے دنیا کیتے عظیم ہم آہنگی چاہندی اے۔ چین دی ترقی کوں دنیا توں انڄ نی کیتا ونڄ سڳدا اتے دنیا دی خوشحالی کوں چین دی لوڑھ اے۔
.jpg)
