اسلام آباد۔24دسمبر (اے پی پی) چیئرمین سینیٹ سید یوسف رضا گیلانی پاکستان اتے پوری دنیا اچ وسݨ آلی مسیحی برادری کوں کرسمس دے تہوار تے مبارخ ݙیندیں ہوئیں آکھیا جو اڄ دا ݙینھ مسیحی برادری کیتے وݙا مقدس ݙینھ اے۔ سینیٹ سیکرٹریٹ موجب انہاں بین المذاہب ہم آہنگی دے ودھارے تے زور ݙیندیں ہوئیں آکھیا جو ہک ݙوجھے دے عقیدے کوں عزت تے احترام ݙیوݨ اساں ساریاں دی ذمہ واری اے۔ چیئرمین سینیٹ آکھیا جو پاکستان بین العقائد اتے بین المذاہب ہم آہنگی تے یقین رکھیندے۔ پاکستان اچ وسݨ آلی سارے اقلیتاں کوں پوری مذہبی آزادی اے۔ چیئرمین سینیٹ سید یوسف رضا گیلانی آکھیا جو اساں ساریاں کوں انفرادی اتے اجتماعی فلاح تے بہبود کیتے رَل تے کوششاں کرݨ دی لوڑھ اے۔
