اسلام آباد۔8جولائی (اے پی پی):وزیراعظم دے کوارڈی نیٹربرائے معیشت وتوانائی بلال اظہرکیانی آکھیے معاشی تباہی دے مجرم “خودکشی کرگھنساں ، آئی ایم ایف نہ ویساں ” آکھݨ آلے آئی ایم ایف دے معاہدے دی حمایت دا احسان نی ،قوم توں ہتھ جوڑ تے معافی منگن ، ہفتے کوں پی ٹی آئی دے رہنماحماداظہردے ٹویٹ تے آپݨے ردعمل اچ انہاں آکھیے پی ٹی آئی آئی ایم ایف دا سخت شرائط تے معاہدہ بھنیا ، اقتدار ویندا ݙیکھ تے معاہدے دی خلاف ورزی کیتی تے ملک کوں ڈیفالٹ آلے پاسے سٹیا ، ول آئی ایم دا معاہدہ بحال تھیندے ݙیکھ تے خط لکھ تے سازش کیتی۔انہاں آکھیے فیٹف ویلھے کیا تھئے او پوری قوم ڄاݨدی اے ،موجودہ حکومت ہی پچھلے سال اکتوبر اچ پاکستان کوں فیٹف دی گرے لسٹ توں کڈھیے ۔بلال اظہرکیانی آکھیے کوڑ مار مار تے ہر واری ہر کہیں کوں ہر ویلھے پاگل نی بݨایا ونڄ سڳدا ،سویلے ݙوپہر شام سر تے ڈٻہ ٻالٹی اتے ڈسٹ بن رکھ تے این آر او دیاں منتاں توشہ خانہ چور کریندا پئے ۔
