اسلام آباد۔15ستمبر(اے پی پی) چیف الیکشن کمشنر سکندر سلطان راجہ ایں عزم دا اظہار کیتے جو الیکشن کمیشن جمہوریت دی بقاء ، ودھارے اتے استحکام سانگے آپݨا آئینی کردار ادا کریندا رہسی۔ عالمی یوم ِ جمہوریت دے موقع تے آپݨے پیغام اچ انہاں آکھیے معاشرے دے سارے لوکاں بشمول محروم طبقیں کوں انتخابی عمل اچ رلاوݨ کیتے ہر ممکن کوشش کیتی ویسی تے کیتی ویندی پئی اے تاں جو سارے اہل پاکستانیاں کوں انتخابی فہرستاں اچ نہ صرف شامل کیتا ونڄے بلکہ اُنہاں دی انتخابی عمل اچ بلاامتیاز تے تفریق بھر پورشرکت کوں یقینی بݨایا ونڄ سڳے۔
