اسلام آباد ۔ 27 جنوری (اے پی پی) وزیراعظم شاہد خاقان عباسی نال جمہوریہ انڈونیشیا دے صدر جوکو ویدودو وزیراعظم ہاو ¿س اسلام آباد اچ ملاقات کیتی۔وزیراعظم شاہد خاقان عباسی اتے صدر ویدودو وچال وفددی سطح تے ڈو دوطرفہ تعلقات اتے باہمی دلچسپی دے وسیع تر بین الاقوامی اتے علاقائی امور تے گالھ مہاڑ کیتی گئی۔ڈوہان ملکاں اسلامی دنیا دے ڈو وڈے تھمبے ہوونر پاروں اے وعدہ دوہرائے جو ڈوہیں ملک ترقی، خوشحالی، استحکام، سلامتی اتے علاقائی سالمیت تے ہک مٹھ ہین۔ دفاع اتے سیکورٹی تعاون کوں بیا ودھاونڑ تے اتفاق کریندے ہوئیں انہاں دہشتگردی دے خلاف تعاون ودھاونڑ دے نال نال تجارتی توازن کوں وی چنگاں بنڑاونڑ تے اتفاق کیتے ۔انہاں ترجیحی تجارتی مہداہ کوں ودھاونڑ تے وی زور ڈتے تاں جو مقررہ طریقہ کار دے تحت ٹیرف لائنز کوں بیا ودھایا ونجے۔ایں سانگے ترجیحی تجارتی معاہدے کوں مرحلہ وارآزادانہ تجارتی معاہدے دی سطح تئیں گھن ونجنڑ تے اتفاق تھئے۔ انڈونیشیاءدے صدر آسیان نال مکمل ڈائیلاگ پارٹنرشپ اتے بحر ہند رم (RIM) ایسوسی ایشن کیتے پاکستان دی مکمل حمایت دا یقین ڈیوائے۔وزیراعظم زور ڈتے جو انڈونیشیائی کاروباری برادری سی پیک دے تحت سرمایہ کاری دے موقعیں توں فیدہ چاءسگدی اے۔انہاں علاقائی صورتحال دے تحت مہمان صدر کوں افغانستان اچ امن و سلامتی کیتے پاکستان دیان کوششاں بارے ڈسائے اتے افغان مصالحت کیتے انڈونیشی کوششاں دی وی تعریف کیتی۔ وزیراعظم شاہد خاقان عباسی مہمان صدر کوں مسئلہ جموں و کشمیر،بھارت نال حل طلب معاملیاں اتے مقبوضہ کشمیر اچ انسانی حقوق دیاں خلاف ورزیاں اتے ایں سانگے پاکستان دیاں کوششاں بارے وی ڈسائے۔
.jpg)
