راولپنڈی ۔22مارچ (اے پی پی) ڈیرہ اسماعیل خان آپریشن اچ شہید تھیوݨ آلے پاک فوج دے حوالدار اظہر اقبال، نائیک محمد اسد اتے سپاہی عیسی دی نماز جنازہ بدھ کوں انہاں دے اپݨے علاقیاں اچ فوجی اعزازات نال پڑھا ݙتی ڳی۔ آئی ایس پی آر موجب نماز جنازہ اتے تدفین اچ پاک فوج دے حاضر سروس اتے ریٹائرڈ فوجی افسران ، جواناں، شہیداں دے ٹٻر اتے رشتہ داراں اتے معاشرے دے مختلف طبقیاں توں تعلق رکھݨ آلے لوکاں دی وݙی تعداد شریک تھیے۔ پاکستان دی مسلح افواج اتے انٹیلی جنس ایجنسیاں دہشت گردی دی لعنت کوں ہر قیمت تے جڑ توں پٹݨ کیتے پرعزم ہن۔ اے قربانیاں اساݙی آوݨ آلی نسلاں کوں ہک پرامن پاکستان ݙیوݨ کیتے دہشت گردی دے خلاف جنگ اچ اساݙے عزم اتے اساݙا ایمان مضبوط کریندن۔
