اسلام آباد۔25جون (اے پی پی):وزیر داخلہ شیخ رشید احمد ضلع سبّی اچ ایف سی دی پٹرولنگ پارٹی تے دہشت گرداں دےحملے دی ودھ ساری مذمت کیتی اے ۔جمعے کوں وزارت داخلہ توں جاری بیان موجب واقعے اچ شہید تھیوݨ آلے پنج ایف سی اہلکاراں دے اچے درجے کیتے دعا کیتی تے آکھیے جو دہشت گرد بزدلانہ کاروائیاں توں اساݙے حوصلے جھکے نی کرسڳدے ۔ریاست پوری طاقت نال دہشت گرداں دا مقابلہ کریسی ۔ وزیر داخلہ آکھیے جو ایف سی بلوچستان ملکی سلامتی اتے حفاظت کیتے عظیم قربانیاں ݙتن۔
