بیجنگ۔18اکتوبر(اے پی پی) نگران وزیراعظم انوار الحق کاکڑ اتے چین دے وزیراعظم لی کی چیانگ ݙو پاسے تعلقات کوں ٻیا تکڑا بݨاوݨ دے عزم دا اعادہ کریندے ہوئیں سیاسی ، اقتصادی، تعلیم ، سائنس تے ٹیکنالوجی ،ثقافتی اتے عوامی رابطے ودھاوݨ تے اتفاق کیتے ۔ اے اتفاق رائے بیجنگ اچ تریجھے بیلٹ اینڈ روڈ فورم دے موقع تے ݙوہیں رہنماواں دی ملاقات تے تھئے ، ایں موقع تے نگران وفاقی کابینہ دے ارکان اتےاعلیٰ حکام موجود ہن۔ ݙوہیں رہنماواں تکڑے تے پراݨے پاک چین تعلقات دا ذکر کریندے ہوئیں سانجھے تعلقات کوں مزید ودھاوݨ دے عزم دا اعادہ کیتے ۔ ݙوہیں راہنماواں سیاسی، اقتصادی، شعبہِ تعلیم، سائنس و ٹیکنالوجی، تقافتی اتے عوام دی سطح تے تعلقات ودھاوݨ تے اتفاق کیتے ۔وزیرِ اعظم چینی قیادت کوں تریجھے بیلٹ اینڈ روڈ فورم (بی آر ایف) دے شاندار انعقاد تے مبارخ ݙتی ۔ بیلٹ اینڈ روڈ منصوبے دی وسعت دا ذکر کریندے ہوئیں وزیرِاعظم آکھیے اے منصوبہ مواصلاتی رابطے تے سانجھی خوشحالی دی بدولت پوری دنیا کیتے کلیدی اہمیت رکھیندے ۔ ݙوہیں رہنماواں چین پاکستان اقتصادی راہداری (سی پیک) دے تناظر اچ پاک چین تعاون اتے معاشی رابطے دے ودھارے دی استعداد تے ڳالھ مہاڑ کیتی ۔وزیرِ اعظم انوار الحق کاکڑ چین پاکستان اقتصادی راہداری دی پاکستان دی معیشت سانڳے اہمیت دا ذکر کریندے ہوئیں آکھیے سی پیک آپݨی تعمیر دے نویں دور اچ داخل تھیندا پئے جیں اچ صنعتی ترقی، روزگار دی فراہمی دے منصوبے، معدنیات، آئی ٹی اتے زراعت دی ترقی شامل اے۔ وزیرِ اعظم آکھیے پاکستان دے خصوصی اقتصادی زونز اچ چینی کمپنیاں دی سرمایہ کاری نال پاکستان دی برآمدات اچ ودھارا تے صنعتی استعداد ودھسی ۔ وزیرِ اعظم لی کی چیانگ پاک چین تعلقات دے ودھارے تے چین پاکستان اقتصادی راہداری دی تعمیراتی و ترقی دی رفتار تے اطمینان دا اظہار کیتے۔ݙوہیں وزرائےاعظم چین تے پاکستان وچال مختلف شعبیں اچ تعاون دی مفاہمتی یاداشتاں تے دستخط دی تقریب اچ شریک تھئن ۔ انہاں شعبیں اچ کامرس، مواصلات (ایم ایل ون )، غذائی تحفظ و تحقیق، میڈیا تبادلے،خلائی تعاون، پائیدار شہری ترقی، صنعتی تعاون، افرادی قوت دی استعداد اچ ودھارے، معدنیات دی ترقی، موسمیاتی تبدیلی اتے ویکسین بݨاوݨ دے شعبے شامل ہن۔
