اسلام آباد – 25 جولاءِ (اي پي پي) وزيراعظم جي اطلاعات ۽ نشريات واري خاص معاون ۽ سي پيڪ اٿارٽي جي چيئرمين ليفٽيننٽ جنرل (ر) عاصم سليم باجوه سماجي رابطن جي ويب سائيٽ تي پنهنجي ٽوئيٽ ۾ چيو آهي ته گوادر سميت ڏکڻ بلوچستان جي منصوبن تي ڪم جي رفتار تيز ڪرڻ جو فيصلو فائديمند ٿيندو. وزيراعظم جي صدارت ۾ قومي ترقياتي ڪائونسل جي اجلاس ۾ هدايتون ڏنيون ويون. ترقياتي منصوبن سان علائقي ۾ سماجي ۽ اقتصادي ترقي ٿيندي.
