لاہور۔30اپریل(اے پی پی)گورنر پنجاب صوبے اچ سیاحت دے ودھارے کیتے ٻئے ودھ اقدامات کرݨ دا فیصلہ کیتے ایں سانڳے تاریخی مذہبی ڄاہیں دی تزئین و آرائش کیتے وی پالیسی بݨائی ویسی۔ گورنر پنجاب چودھری محمد سرور آکھیے جو تاریخی مقامات تے سیاحواں کیتے ہوٹلز سودھا ٻیاں سہولتاں ݙیوم ترجیح اے، ملک اچ سیاحت دے ودھارے نال سالانہ 4 توں 5 ارب ڈالرز کمائے ونڄ سڳدن۔ انہاں آکھیا جو پنجاب اچ مسیحیاں، سکھاں سودھا سارے مذاہب دے مقدس مقامات ہین، زیارت مقدس مریم اچ 1.2 ملین لوگ مذہبی فرائض سانڳے آندن۔
