اسلام آباد۔12مئی (اے پی پی):وزیر خارجہ بلاول بھٹو زرداری آکھیے جو پہلے انتخابی اصلاحات تھیسن تے ول نویں انتخابات تھیسن ، 3 اپریل توں اڄ تئیں دے غیرجمہوری اتے غیر آئینی اقدامات دی تحقیقات کیتے پارلیمانی کمیشن بݨایا ونجے ، سابق وزیراعظم غیر جمہوری اتے غیر آئینی ہتھکنڈیں توں دٻاؤ پاتے وختی انتخابات یا مارشل لاء دا رستہ ہموار کرݨ چاہندے ہن ، اساں ایجھے شفاف انتخابات چاہندوں 2018ء دے انتخابات وانڳوں کوئی ایں تے انڳلی نہ چا سڳے ، الیکشن کمیشن دے پر کپݨ تے آر ٹی ایس 2 سودھے ٻئے قوانین کوں مکاوݨاں اے ، ملک دی معیشت کوں مستحکم بݨاوݨ ، سارے اداریں کوں آپݨی حدود اچ رہ تے کم کرݨ تے جمہوریت دے استحکام کیتے ساکوں وختی ھک بنیادی ضابطہ اخلاق بݨاوݨا ہوسی تاں جو ملک کوں بحراناں تے اوکھ تو کڈھیا ونڄ سڳے ،قومی اسمبلی اچ ترائے اپریل تو ایں ویلھے تئیں دے سیاسی بحران تے انہاں آکھیے جو پاکستان دی تاریخ اچ پہلی واری حکومت کوں آئینی جمہوری طریقے توں ہٹایا ڳیا۔ اے حکومت نااہل ہئی۔ ھک ݙوجھے دی سیاسی حریف جماعتاں دی سیاسی تاریخ ملک و قوم دے سامݨے اے۔
