پشاور۔19مئی (اے پی پی):وزیر اعظم عمران خان آکھیے جو پاکستان ھک وݙے خواب دا ناں ہے لیکن بدقسمتی نال قیام پاکستان توں گھن تے ہݨ تئیں کہیں قوم کوں اے خواب سمجھاوݨ دی کوشش ہی نی کیتی ڳئی ، اوپشاور دے علاقے ریگی للمہ اچ صنعتی ورکرز کیتے رہائشی منصوبے دے افتتاح دے بعد حاضرین توں خطاب کریندے پئے ہن ، وزیر اعظم آکھیے جو کورونا دی موجودہ لہر فلیٹ تھی چکی، احتیاط جاری رکھی تاں سیاحت سودھے سارے شعبے کھل ویسن حقیقی فلاحی ریاست دے حوالے نال ریاست مدینہ دی مثال اساݙے سامݨے اے جو کیویں رسولﷺ ۖ ریاست مدینہ کوں پوری دنیا کیتے ھک مثال بݨِایا ، انہاں آکھیے جو ایہو او معاشرہ ہئی جیں دا خواب علامہ اقبال ݙٹھا ہئی جو ملک اچ قانون ساریں کیتے برابر ہووے ، انصاف تے مبنی معاشرہ قائم ہووے تے قانون دے سامݨے غریب اتے امیراچ کوئی فرق نہ ہووے ، وزیر اعظم آکھیے جو او ملک کوں 2 بنیادی اصولاں دے تحت اڳوں گھن تے ونڄݨ چاہندن ھک قانون دی بالادستی اتے ݙوجھا کہیں کوں این آر او نہ ݙیوݨ جݙاں جو انہاں دے نال معاشرے دے تلویں طبقے کوں اتے گھن تے ونڄݨ انہاں دا ہدف اے ، انہاں آکھیے جو پشاور اچ صنعتی ورکرز کیتے فلیٹس دا منصوبہ 2011 توں ایں کیتے رکیا ہویا ہئی جو اے غریباں کیتے بݨدے پئے ہن پی ٹی آئی دی صوبائی حکومت چونکہ غریباں دی فلاح و بہبود کوں اولیت ݙیندی اے ایں سانگے منصوبے کوں توڑ پڄایا ۔
