اسلام آباد۔22جنوری(اے پی پی) وفاقی وزیراطلاعات و نشریات مریم اورنگزیب آکھیے جو ثاقب نثاردے صادق تے امین شوکت خانم دے 3 ملین ڈالر دے خیراتی فنڈ ہاؤسنگ سوسائٹی اچ لاوݨ دا اعتراف کیتے ،نقلی صادق اتے امین 30 لکھ ڈالر دی رقم ہائوسنگ منصوبے اچ لاوݨ دا اعتراف کیتے ۔ اتوار کوں آپݨے ھک بیان اچ وفاقی وزیر اطلاعات و نشریات مریم اورنگزیب آکھیے جو پاکستان دی عوام عمران خان کوں شوکت خانم کیتے زکواۃ دے پیسے ݙتے ہن ، پرائیویٹ ہاؤسنگ سوسائٹی کیتے کائناں ۔انہاں آکھیے ݙوجھیں تے چوری دا الزام اتے خود خیرات دے پیسیں دی چوری دا اعترافِ جرم ۔ لکھاں ڈالر دا خیراتی پیسہ لیندے ہوئیں شوکت خانم دے بورڈ توں منظوری وی نی ڳھدی ڳئی ۔ انہاں آکھیے کوڑا فراڈیہ توشہ خانہ اتے زکوۃ چور آکھدے توشہ خانہ اچ چوری کیتی، تاں کیا تھیا ؟ ،ریاست دے 190 ملین پاؤنڈ کھا ڳئے، تاں کیا تھیا ؟ ،پنج قیرط دا ہیرہ ہی تاں ڳھدے ؟ فارن فنڈنگ کر تے ملک دے خلاف دشمنی کیتی، تاں کیا تھیا ؟ زکوۃ دے پیسے ہی تاں چوری کیتن تاں کیا تھیا ؟ ٹرسٹ دا پیسہ ہی تاں کھادے ، تاں کیا تھیا ؟ القادر ٹرسٹ دے ناں تے 458 کنال زمین رشوت ڳھدی ، تاں کیا تھیا ؟ بشریٰ بی بی دے نال رل تے پنجاب دی ہر نوکری، ہر عہدہ ویچیا ، تاں کیا تھیا ؟وفاقی وزیر اطلاعات مزید آکھیے عمران خان جنہاں کوں چور آکھدن پاکستان تے برطانیہ دی وی کہیں عدالت اچ کوڑے الزام ثابت نی کرسڳیے ۔ انہاں آکھیے عمران خان اِیں کیتے عدالت اچ پیش نی تھیندے کیوں جو انہاں کوں پتہ اے جے عدالت اچ پیش تھئے تاں سارے کیتے ہوئے جرائم دا اعتراف کرݨا پوسی۔
