اسلام آباد۔30جنوری(اے پی پی) نگران وزیراعظم انوار الحق کاکڑ سمندری اتے سمندر توں ٻہر تیل تے گیس دے ذخیرے دی ڳول سانڳے مشترکہ کوششاں دی لوڑھ تے زور ݙیندے ہوئیں آکھیے جو پاکستان قدرتی وسائل توں مالا مال ملک اے، پٹرولیم کانفرنس پاکستان دی بے پناہ معدنی صلاحیت کوں مکمل طور تے استعمال کرݨ دے اجتماعی عزم دی عکاسی کریندی تے تاں جو توانائی اچ خود کفالت کوں یقینی بݨایا ونڄ سڳے تے ملک کوں توانائی دے ھک علاقائی برآمد کنندہ اچ بدالیا ونڄ سڳے۔ وزیراعظم آفس دے میڈیا ونگ توں جاری بیان موجب نگران وزیراعظم انوار الحق کاکڑ پٹرولیم کانفرنس 2024 اچ بطور مہمان خصوصی شرکت کیتی۔ چیف آف آرمی سٹاف جنرل سید عاصم منیر کانفرنس دے مہمان خصوصی ہن۔صوبائی وزرائے اعلیٰ، وزیر توانائی، سیکرٹری پٹرولیم، حکومتی نمائندیں، پالیسی سازاں، توانائی اتے پٹرولیم سیکٹر دے غیر ملکی اتے ملکی سرمایہ کاراں تے بین الاقوامی مندوبین وی کانفرنس اچ شرکت کیتی ۔کانفرنس توں خطاب اچ نگران وزیراعظم آکھیے جو پاکستان قدرتی وسائل نال مالا مال ملک اے۔ انہاں سمندری اتے سمندر توں ٻاہر تیل تے گیس دی ذخیرے دی تلاش سانڳے مشترکہ کوششاں دی لوڑھ تے زور ݙتا ۔نگران وزیر اعظم انفراسٹرکچر دی ترقی، لاجسٹکس اتے سکیورٹی اچ تلاش تے پیداوار دی کوششاں کوں تقویت ݙیوݨ سانڳے حکومت دے عزم دا اعادہ کیتے ۔کویت فارن پٹرولیم ایکسپلوریشن کمپنی دے کنٹری منیجر علی طحہٰ التمیمی پالیسی سفارشات بݨاوݨ تے پٹرولیم دے شعبے اچ سرمایہ کاری ودھاوݨ سانڳے سٹیک ہولڈرز کوں کٹھا کرݨ اچ حکومت پاکستان دیاں کوششاں دی تعریف کیتی۔
