اسلام آباد۔5مارچ (اے پی پی):فنانشل ایکشن ٹاسک فورس ، فٹیف انسداد منی لانڈرنگ وردہشت گردی دی مالی معاونت روکݨ کیتے پائیدار طریقہ ہائے کار دے ضمن اچ پاکستان دی مسلسل کوششاں دی تائیدکریندے ہوئیں آکھیے جو 2018 دے ایکشن پلان دے حوالے نال پاکستان پلان دے 27 اچوں 26 آئٹمز پہلے ہی مکمل کر چکے تے پاکستان چھیکڑی رہیے ایکشن آئٹم کوں حل کرݨ دے پاسے اہم پیشرفت کیتی اے ۔ وزارت خزانہ دی طرفوں جاری بیان موجب فنانشل ایکشن ٹاسک فورس (فیٹف) 4 مارچ 2022 کوں آپݨے جامع اجلاس اچ فیٹف دے ݙوہیں ایکشن پلانز تے پاکستان دی پیش رفت دا جائزہ ڳھدے ۔اجلاس اچ پاکستان آپݨا مقدمہ موثر انداز اچ پیش کیتے تے ایکشن پلان دی تکمیل کیتے کوششاں جاری رکھݨ کیتے آپݨے سیاسی عزم دا اعادہ کیتے ۔اجلاس اچ ایں ڳالھ دی تائید کیتی ڳئی جو انسداد منی لانڈرنگ وردہشت گردی دی مالی معاونت روکݨ کیتے پائیدار طریقہ ہائے کار دے ضمن اچ پاکستان مسلسل کوششاں کریندا پئے اجلاس اچ ݙسایا ڳئے جو 2018 دے ایکشن پلان دے حوالے نال پاکستان پلان دے 27 اچوں 26 آئٹمز پہلے ہی مکمل کر چکتے تے فیٹف دی طرفوں منیا ڳے جو پاکستان آخری باقی ماندہ ایکشن آئٹم کوں حل کرݨ دے پاسے اہم پیشرفت کیتی اے ۔
