اسلام آباد۔27جنوری(اے پی پی)وزیراعظم عمران خان دی اڳواݨی اچ پی ٹی آئی دی پارلیمانی پارٹی دا اجلاس اسلام آباد اچ تھئے جیندے اچ پی ٹی آئی دے اراکین پارلیمنٹ اتے مشیراں شرکت کیتی ۔ پارلیمانی پارٹی اجلاس اچ مختلف موضوعات تے بحث تھئی۔ انہاں اچ ملکی معیشت ،حکومتی کارکردگی، کراچی پیکج ، پارلیمنٹ اچ قانون سازی دے امور شامل ہن ۔وزیر خزانہ عبدالحفیظ شیخ اجلاس کوں معاشی صورتحال سانڳے تفصیلی بریفنگ ݙتی۔ اجلاس اچ مہنگائی تے ڳالھ تھئی ‘ درآمد تھیوݨ آلی اشیاءجنہاں اچ پام آئل ، دالاں ‘پیٹرول دیاں قیمتاں بارے ݙسایا ڳئے ،اراکین پارلیمنٹ اپݨے اپݨے حلقیاں دے مسلیاں اتے انہاں دے حل ٻارے ݙسائے ۔
