اسلام آباد۔13اپریل (اے پی پی) صدر مملکت ڈاکٹر عارف علوی زرعی ترقیاتی بینک دے اسسٹنٹ نائب صدر کوں تریمتیں کوں ہراساں کرݨ تے نوکری توں برخاستگی دی سزا برقرار رکھیندیں ہوئیں انسداد ہراسیت محتسب دے فیصلے دے خلاف ملزم دی درخواست مسترد کر ݙتی اے۔ ایوان صدر دے پریس ونگ توں خمیس کوں جاری بیان موجب اسسٹنٹ نائب صدر (ملزم) تے تریمت افسر کوں جنسی طور ہراساں کرݨ دا الزام ثابت تھی ڳیا ہئی۔ صدرمملکت وفاقی محتسب برائے انسداد ہراسیت ولوں ملزم تے لاتا ڳیا پنج لکھ جرمانے کوں ودھا تے چھی لکھ روپے کر ݙتے۔ صدرمملکت معاملے تے زرعی ترقیاتی بینک دی درخواست کوں وی مسترد کر ݙتے۔ صدرمملکت آکھیا جو ملزم انسداد ہراسیت محتسب دی کارروائی اچ کہیں بے ضابطگی دی نشاندہی اچ ناکام رہیے۔
