اسلام آباد-28 آڪٽوبر (اي پي پي) واپڊا ملڪ جي مختلف دريائن ۽ آبي ذخيرن ۾ پاڻي جي آمد ۽ ڇوڙ بابت انگ اکر جاري ڪري ڇڏيا آهن. گذريل ڏينهن جاري ڪيل انگن اکرن مطابق سنڌودرياهه ۾ تربيلا وٽ پاڻي جي آمد 32 هزار 500 ڪيوسڪ ۽ ڇوڙ 50 هزار ڪيوسڪ رهيو.ڪابل درياهه ۾ نوشهره وٽ پاڻي جي آمد 11 هزار 700 ڪيوسڪ ۽ ڇوڙ به 11 هزار 700 ڪيوسڪ رڪارڊ ڪيو ويو. خيرآباد پل وٽ پاڻي جي آمد 19 هزار 200 ۽ ڇوڙ 19 هزار 200 ڪيوسڪ رهيو. جڏهن ته جهلم درياهه ۾ منگلا وٽ پاڻي جي آمد 6 هزار 300 ڪيوسڪ ۽ ڇوڙ 35 هزار ڪيوسڪ رهيو، چناب درياهه ۾ مرالا وٽ پاڻي جي آمد 10 هزار 100 ڪيوسڪ ۽ ڇوڙ 3 هزار 500 ڪيوسڪ آهي. تربيلا ڊيم ۾ پاڻي جي گهٽ ۾ گهٽ آپريٽنگ ليول 1402 فوٽ ڊيم ۾ پاڻي جي موجوده سطح 1531.59 فوٽ، ڊيم ۾ پاڻي ذخيرو ڪرڻ جي انتهائي سطح 1550 فوٽ ۽ استعمال جوڳي پاڻي جو ذخيرو 4.729 ملين ايڪڙ فوٽ آهي. منگلا ڊيم ۾ گهٽ ۾ گهٽ آپريٽنگ ليول 1050 فوٽ ڊيم ۾ پاڻي جي موجوده سطح 1191.10 فوٽ آهي جڏهن ته پاڻي ذخيرو ڪرڻ جي انتهائي سطح 1242 فوٽ ۽ استعمال جوڳي پاڻي جو ذخيرو 3.716 ملين ايڪڙ فوٽ رڪارڊ ڪيو ويو. چشما بئراج جي گهٽ ۾ گهٽ آپريٽنگ ليول 638.15 فوٽ، بئراج ۾ پاڻي جي موجوده سطح 643.20 فوٽ، بئراج ۾ پاڻي ذخيرو ڪرڻ جي انتهائي سطح 649 فوٽ ۽ استعمال جوڳي پاڻي جو ذخيرو 0.091 ملين ايڪڙ فوٽ هو.
