اسلام آباد۔5جون(اے پی پی):صدر مملکت ڈاکٹر عارف علوی آکھیے جو موسمیاتی تبدیلی دے منفی اثرات توں بچݨ کیتے پائیدار طرز زندگی اپناوݨ اتے قدرتی آبی وسائل دی حفاظت کرݨی ہوسی، زمین کوں بچاوݨ کیتے زرخیز مٹی دی حفاظت کریڄے، عالمی سطح تے تبدیلی سانڳے شرکت داری ودھاوݨی ہوسی۔ عالمی یوم ماحولیات تے بیان اچ صدر مملکت آکھیا جو پاکستان موسمیاتی تبدیلیاں سانڳے سب توں ودھ متاثر تھیوݨ آلا ملک اے، موسمیاتی تبدیلیاں نال حکومت اتے پاکستانی عوام کوں ودھ چیلنجز آندے پن، پاکستان تیزی نال پگھردے گلیشیئرز، غیر متوقع بارشاں اتے کریہے نال متاثر تھئے، نوجواناں کوں ماحولیاتی تبدیلی دے چیلنج نال نبرݨ بارے آگاہی ݙیوݨ دی لوڑھ اے۔
